23.9.09

PRESENTACIÓN DE "TERAPIA" DE DOLFO CAMILO DÍAZ


El miércoles 23 de setiembre a les 18h tienes,de baldre, una TERAPIA, nel Antiguu Institutu de Xixón.

Esta obra maestra del teatru de tolos tiempos, ta escrita por Adolfo Camilo Díaz y va ser presentada pol gran XULIO VIXIL, que vien del hinterland de Bimenes y ye, sencillamente, ún de los meyores escritores asturianos de tolos tiempos. VIXIL al acabu, y si hai ambiente que lu motive, ye posible que faiga un estriptís zen de tipu zen.
TERAPIA ta publicada por XÉBANA EDICIONES.
Al acabu de la presentación regalaráse a tolos asistentes una práctica maquinina pa quitar los nervios. Tendrás visto esa maquinina ente los deos de los mayores dirixentes mundiales. Obama tien dos y el fíu de Putin, cuatro. Angela Merkel non, y asina-y foi nes últimes eleciones. Belén Esteban tampoco y ¿qué quies que te cuente?. Pos bien, esa práctica maquinina pa quitar los nervios pue ser tuya si vas a la presentación y si non, non (esto prueba la importancia na cultura popular de Barrio Sésamo)
Lo de TERAPIA ye asuntu que ta nes actividaes de la Vagamar Lliteraria L´ARRIBADA y que necesita d´una desplicación.
DESPLICACIÓN
Nel mundu hai trés tipos de persones: los que falen n´asturianu, los que non y Tini Areces. Depues tán los campesinos, los marineros, los mineros, los ausiliares administrativos, los celadores y Tini Areces.
Estudios de la NASA certifiquen esa división.
Terapia, escrita nel 1981 y representada col títulu d ´UNA HISTORIA DEL TEATRU pel Grupu GÜESTIA a lo llargo d´una montonera años, contó con actores como VÍCTOR PICALLO, MARUXA RODRÍGUEZ, ISO, XUAN BELLO, XOSÉ NEL RIESGO, CARMEN BELÉN JIMÉNEZ y el mesmu Dolfo Camilo Díaz. Acoyona, de verdá qu´acoyona´l casting.

Agora TERAPIA sigue viva. El Grupu EL MILAGRU DE CANCIENES sigue representándola y el mundu, gracies a eso, camina p´hacia una crísis global d´imprevisibles consecuencies.

No hay comentarios:

 
inicio